永隆体育网赛事分析百家贴士浏览文章
英超:曼城開宮捱細界_東方日報
2023/12/16 18:06:03
傷鋒變陣頂硬上
今晚英超上演攻防戰,曼城主場迎戰水晶宮。「藍月亮」上仗聯賽驚濤駭浪下以2比1反勝盧頓,經歷4場聯賽3和1負後重響勝鼓,但取勝過程絕不輕鬆,首席射手艾寧夏蘭特受傷缺陣嚴重影響攻力,要攻破水晶宮嘅鐵桶防線可能要花一番工夫,加上雙方近5次交手4次開3球或以下,捧3.5球入球細最明智。

(Now 621周六晚11時直播)
曼城上場聯賽對盧頓贏得驚險,狂攻對手無效之餘,仲反被對方一次高空攻擊攻破大門,幸好球隊喺3分鐘連入2球反勝,才得以全身而退。艾寧夏蘭特受傷暫未知幾時復出,影響深遠,中鋒位置要交棒畀祖利安艾華利斯,又或者用番前幾季嘅「無鋒陣」,不過無論哥迪奧拿如何取捨,球隊攻力削弱都係不爭事實。

後防齊腳盼改善失波
曼城另一個問題係後防,睇番近期表現,近7場全部有失波,共失14球,平均每場失2球,呢個亦係球隊近期成績下滑主要原因,佢哋今場防線人腳回復完整,門將艾達臣摩拉斯拍住魯賓戴亞斯同史東斯,對手水晶宮攻力係英超第2差,相信今場可以保住清白身。

水晶宮喺老帥鶴臣領軍下踢法硬朗,靠穩守突擊搶分,雖然近5場1和4負,但上仗對利物浦若非末段10人應戰,已可爆冷贏波,佐敦阿休停賽令佢哋更加疊埋心水做好防守博偷雞,再睇佢哋近4場全開3球或以下,捧3.5球入球細啱數。

声明:本网资讯仅供体育爱好者浏览、购买中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何关系。
链接的广告不得违反国家法律规定,如有违者,本网有权随时予以删除,并保留与有关部门合作追究的权利。