英超聖誕快車展開，阿士東維拉主場迎戰錫菲聯。維拉主場威力強勁，跨季聯賽主場15連勝，今仗贏波將可進佔榜首，如果之後一日利物浦對阿仙奴賽和失分，維拉將會成為聖誕冠軍，爭勝決心毋庸置疑，今場對榜尾嘅錫菲聯肯定喪攻，佢哋近6場聯賽主場5次半場領先，半場主勝值得買入。

（Now 621周六凌晨4時直播）
英超踢到季中，前列形勢相當混亂，榜首位置車輪轉，今次有機會輪到維拉，佢哋現時落後阿仙奴1分同利物浦同分，先一日比賽嘅維拉只要贏波就可升上榜首，如果之後利物浦對阿仙奴和波，維拉就會繼98至99年球季後再做聖誕冠軍，肯定全力搏殺。

錫菲聯換帥冇料到
雖然維拉喺聯賽同歐協聯雙線作戰，但並未受影響，喺主帥艾美利領導下，進攻主力狀態大勇，射手奧尼屈堅斯交出14球8助攻頂級數據，保巴卡卡馬拉今場停賽對進攻影響不大，肯定全力搶攻。

至於錫菲聯現時排榜末，月初辭退主帥希京保頓，重召舊帥韋達領軍，仍未能止住頹勢，近5場4負，今仗作客維拉凶多吉少，半場落後亦屬意料中事。